كان فيه زمان مطربة اسمها نادية فهمي الهامي سمير

كان فيه زمان مطربة اسمها نادية فهمي راحت حفلة وما رجعتش وكتبت الصحف وقتها إنها ماټتش بدل محمد رشدي..
نادية بعد ما انتهت الحفلة اللي شاركت فيها فى فايد.. وفى طريق العودة إلى القاهرة طلب سواق الأتوبيس من مجموعة الفنانين اللي راكبين معاه إنه يتوقف لدقائق عند الرست علشان يصلح فردة الكاوتش..
وقفت العربية ونزل السواق يصلح الكاوتش .. وفضل الفنانين الموجودين فى الأتوبيس ومنهم محمد رشدي ومحمد أحمد المصري والراقصة سلوي المسيري وغيرهم يضحكوا ويهزروا علشان يقتلوا الوقت.. واحدة بس فضلت ساكتة .. هى المطربة نادية فهمي.. وده لأنها فضلت أنها تنام ومحدش يصحيها إلا لما توصل القاهرة..
بعد ما انتهى السواق من تصليح الكاوتش اتحركت العربية على الطريق الصحراوي.. وفجأة ظهر لوري ضخم محمل أنابيب بوتجاز فاضية.. ودخل فى الأتوبيس من الجنب ډمره .. لدرجة إن اللي راكبين الأتوبيس طاروا منه.. وبدأ الكل ېصرخ ما عدا واحدة بس .. هى نادية فهمي اللي كانت أول ضحېة للحاډثة..
بعد مرور حوالي ساعة على الحاډثة .. مر تاكسي على المكان .. وجري سواق التاكسي بسرعة ينقل اللي حصل لنقطة أمنية.. والنقطة بعتت كونستابل مزود باللاسلكي .. والكونستابل بلغ الإسعاف.. وجات الإسعاف نقلت الكل إلى مستشفى الدمرداش علشان تعالج المصابين.. ومنهم الراقصة سلوى المسيري اللي خضعت لجراحة بتر .. وبعد فترة اټوفت ولحقت بنادية فهمي..
بتقول مجلة الكواكب إن نادية قبل السفر جالها متعهد حفلات يطلب منها إنها تسافر معاه شبين الكوم تحيي حفلة هناك.. لكنها اعتذرت لأنها متربطة بحفلة فايد..
وحتى يوم السفر كان المفروض الأتوبيس اللي هينقلها من القاهرة يجي الساعة 2 .. ولما اتأخر رجعت البيت وقالت خلاص مش هسافر.. لكن الأتوبيس جه الساعة 5 واعتذروا لها فقررت إنها تسافر..
عباس فهمي جوز نادية قال للكواكب إنها هى اللي كانت بتتولى مصاريف البيت بعد ما ضاقت بيه سبل الحياة .. وإنها كانت الأمل لاخواتها ولأمها .. وإنه فى نفس اللحظة اللي وصل فيها خبر ۏفاتها كان ساعي البريد بيسلمهم جواب من الإذاعة علشان تروح نادية تسجل أغنية جديدة بعد ما تم اعتبارها من مطربات المتميزات..
من ناحيته كشف محمد رشدي عن كواليس الرحلة وقال إنه كان قاعد مكان نادية فهمي قبل الحاډثة واتنقل لكرسي تاني علشان يتكتب له عمر جديد زي ما قال..
بيقول رشدي للكواكب مع الخيوط الأولى من الفجر .. وبعد ليلة مضنية من العمل استقلت مجموعة الفنانين نفس السيارة بنفس السائق النائم المرهق والذي سيقطع المسافة للمرة الثالثة في نفس اليوم