الفرح اللي تحول لطقس لاستدعاء الجن

الفرح اللي تحول لطقس لاستدعاء الجن
اللي حصل في عزبة عفيفي في محافظة الدقهلية كان أبعد ما يكون عن كلمة فرح. كان المفروض يوم سعيد لعريس اسمه وهبه سامي عنده ١٧ سنة لابس بدلة سودا وباين عليه التوتر والفرحة والناس حواليه بترقص وتهزر والمزيكا مولعة كل حاجة ماشية زي أي فرح بلدي بسيط.
لكن بعد حوالي ساعة من الزفة ظهرت واحدة ست لابسة اسود دخلت وسط الناس من غير ما حد يعرفها كويس. كانت شايلة صينية فيها كوبايات عصير تمر هندي وابتدت توزعها على المعازيم. الناس استغربت تمر هندي في فرح بس الضحك خف بسرعة والكل أخده على إنه هزار وبركة زي ما الست قالت.
١٧ واحد شربوا العصير منهم العريس والعروسة وأمه وأخته وكام واحد من القرايب القريبين جدا. بعد بالظبط ربع ساعة الجو اتبدل تماما. كأنك فجأة اتنقلت من فرح لجنازة.
العريس وقع على الأرض بيتقيأ بشړاسة وعينيه مقلوبة. العروسة جسمها تشنج واتخشب وقعت على الكوشة من غير صوت. الناس بدأت تصرخ واحدة صوتها اتغير وبقى صوت راجل واحدة تانية بتقول ودوني المقاپر أنا مش هنا.
الرجالة حاولوا يمسكوا العريس لما قام يضرب العروسة شدها من شعرها وقطع فستانها وهي ولا صوت ولا مقاومة. اللي حاولوا يبعدوه كانوا كأنهم بيشدوا جبل مش بني آدم وكأن في قوة تانية ساكنة جواه.
واحدة من البنات اللي شربت العصير فضلت تشد في شعرها لحد ما جابت د م وأخت العريس هجمت على بنت عمها بشكل مفاجئ وضړبتها لحد ما وقعت على الأرض من شدة الضړب وساعتها كان صوتها غليظ ومخيف.
واحد من المعازيم اللي ماشربش العصير لاحظ إن الست اللي وزعت العصير كانت بتدي العروسة ٥٠ جنيه نقطة وأول ما خدتهم العروسة جسمها اتخشب كأنها اتحجرت مكانها.
الناس ربطت بسرعة. الست دي كانت ظاظا ست معروفة في البلد دايما لابسة اسود وبيتقال عنها من زمان إنها بتتعامل مع الجن. لكن اللي خلا ڠضبها يولع كان موضوع حصل من سنة لما أهل وهبه نفسهم فضحوا جوزها في البلد وقالوا له