جوز بنتى

اوي
فاروق
ايوه هي بحبني انا عارف وعمرها ما اتاخرت عني في الفلوس ابدا بس برضو انا مش مطمن خالص
نشوي
خلاص يبقا انا هاخد الفلوس واجيب بيهم دهب وبرضو هنكدب عليها ونقول لها انك عملت المشروع وخلاص اي كلمتين كده وخلاص هو احنا يعني هنغلب يا فاروق دي بتصدق اي حاجة
فاروق
طيب خلاص احنا نروح نجيب العربية ونقولها اني هشغلها في أوبر
وفعلا راح فاروق اشتري عربيه بالفلوس وفضل يتفسح بيها هو ونشوي وفي البيت عندي الباب خبط فتحت وكانت سميرة وقالت
سميرة
ازيك يا سمية عامله ايه هو انتي نايمة ولا ايه مالك كده
سمية
ااه يا سميرة انا كنت نايمة والله لقيت نفسي عيني غفلت كده لوحدي تعالي ادخلي انتي هتفضلي هنا ولا ايه ادخلي يا سميرة
سميرة
لا يا ختي انا مش عايزة ادخل انتي اللي تخرجي بره يا سمية اصل الصراحة كده انا عايزة الشقة
سمية پصدمة
اخرج بره فين يا سميرة وبعدين هو انا وانتي مش كان في بينا اتفاق ولا انتي نسيتيه
سميرة
لا ازاى انا منستش حاجة بس انا الصراحة حرام ادفع فلوس وماخدش الشقه اللي هي ملكي
سمية
ملكك ازاى بس يا سميرة هو انا مش قولت لك اني لما اروح ابقي خوديها ليكي زي ما انتي عايزة
سميرة
بس انا عايزاها دلوقتي يا سمية معرفش يا ختي هي ضړبت في دماغي بقا ولازم اخدها دلوقتي ويلا يا حبيبتي روحي عند ابنك ولا بنتك
سمية
اروح عند ابني ولا بنتي ازاى بس يا سميرة وانا مش برتاح غير في بيتي وبس هو ده يعني جزاتي اني اتفقت معاكي الاتفاق ده عيب يا سميرة متخليش بيه
سميرة
معلش يا سمية انا خليت بالاتفاق واظن الشقه من حقي اصلا وانا اللي المفروض اخدها ماهي حقي ياختي يلا يلا روحي لابنك ااه صحيح هو انتي متعرفيش ان ابنك اشتري عربية وعمال يتفسح بيها هو ومراتة ليل ونهار
سمية
ازاى الكلام ده لا انا ابني خد الفلوس عشان يعمل مشروع
سميرة
وانتي بقا بتصدقي الكلام ده ابنك ضحك عليكي يا ختي وخد الفلوس وراح اشتري بيها عربيه وعمال يلف بيها هو ومراتة يلا روحي لفي معاهم
وفي بيت سارة قالت لأحمد جوزها
سارة
انت جبت الفلوس دي منين يا احمد يعني انت معاك الفلوس دي كلها وانا كل لما اقولك عايزة فلوس ليا ولا لبنتك تقولي مش معايا
احمد
بقولك ايه الفلوس دي مش فلوسي دي فلوس واحد صاحبي سايبهم عندي هنا فوكك مني بقا وبطلي كلامك ده
سارة
يعني ايه الكلام ده هو انت ليه بتكدب انت مبتقولش الحقيقه ليه ها ما تقول ان الفلوس دي بتاعتك وخلاص
احمد
ايوه الفلوس دي بتاعتي انتي عايزة ايه بقا وانا مش هديكي منها حاجة خالص ويلا غوري من وشي دلوقتي انا مش طايقك
سارة
ليه يا حبيبي مش طايقني اسمع بقا لو مقولتش الفلوس دي منين انا هوديك في ستين داهيه تاخدك انا زهقت منك اصلا طلقني
احمد
وانا مش هطلقك واوعي من وشي يا زفتة انتي اوعي كتك القرف اوعي
سارة
مش هوعي يا احمد و ريني انت عايز تعمل ايه بقا
وفي اللحظة دي احمد مسكها من رقبتها وفضل يخنق فيها لحد لما سارة ماټت وقال لنفسه
سارة
يانهار اسود ساره قومي يا سارة انا اسف حقك عليا قومي يا سارة
وسبها وطلع يجري وبنتهم اللي عندها خمس سنين قالت
البنت
ماما يا ماما اصحى ياماما مامااااا وفضلت ټعيط
وانا رحت بيت فاروق وقالي
فاروق
والله يا ماما انا كنت هاقولك اني كنت عايز الفلوس عشان اشتري عربية واشغلها أوبر وانتي اكيد يعني هتبقي عايزة لي المصلحة
بس انتي ايه اللي خلاكي تسيبي البيت وتيجي
سمية
ااه اصل انا كنت بايعه الشقه لخالتك عشان اجيب لك الفلوس دي وخالتك طردتني من البيت وخدت الشقة
فاروق
معقوله الكلام ده ازاى ياماما تعملي كده بس
سمية
اللي حصل يابني وبعدين هو انت مش جبت العربية عشان تشغلها خلاص اهي مصلحة
فاروق
طيب انا هاروح اعمل مكالمة شغل كده بره وجاي يا امي
وخرج من الاوضة وسمعتهم بيتكلموا وفاروق قال لنشوي
فاروق
عجبك كده اهي امي باعت شقتها عشان تجيب لي فلوس وانا اجيب عربية عشان نتفسح بيها
نشوي
وطي صوتك لتسمعك يا حبيبي وبعدين اسمع انا مش هستحمل امك معايا هنا انت لازم توديها دار مسنين انت سامع
دخلت عليهم وقولت
سمية
بقا دي اخرتها يا فاروق بقا انا ابيع شقتي عشانك وانت تروح تجيب عربية واخرت المتمة مراتك عايزة توديني دار مسنين
فاروق
اهدي يا ماما نشوي متقصدش حاجة
سمية
انا غلطانة اني عملت كده ده انا كنت حارمة اختك عشانك
ولقيت اتصال جالي وعرفت ان بنتي جوزها وهو بيجري اتقبض عليه وانا اڼهارت وقولت
سمية بحزن
ادي أخرت اللي تفضل ابنها على بنتها انا لو كنت خليت بالي من بنتي من الاول زي ما كنت بهتم بابني مكنش حصل لها اللي حصل ده الله يرحمك يا بنتي
بعدها اجرت شقة ورحت اعيش فيها واخدت بنت بنتي اربيها وفاروق طلق مراتة عشان هي مقدرتنيش وكانت بتسلطة عليا
وبكده تكون خلصت حكايتي