تحكم بشرى فى الزلازل والعواصف والرياح

عامله إبن سيناتور أمريكي سابق بيتكلم عن الموضوع ده وبيأكد عليه!
طب يا ترى أيه رأي العلم في الكلام ده كله وهل فعلا ممكن السلاح ده يكون حقيقي!
هنا بقى يا صديقي يؤسفني إني أحبطك وأقولك ان كل الكلام ده ما هو إلا محض كڈب وتهويل من بعض هواه نظرية المؤامرة وغير المتخصصين اللي معندهمش أي فكرة عن كيفية عمل الموجات الراديوية ولا جيولوجيا الأرض والمناخ وخليني أحكيلك ازاي بالظبط واحدة واحدة
شوف يا سيدي أول حاجة خلينا نحلل موضوع قدرة هارب على إحداث زلازل
حسب البيانات ف مشروع هارب بيقدر يولد أثناء تشغيله موجات بطاقة قصوى بتوصل لحوالي 3 6 ميجاوات يعني حوالي 3 6 مليون وات معايا لحد كده!
تمام
تعالى ناخد زلزال زي بتاع تركيا اللي حصل في فبراير من سنة 2023 كمثال
الزلزال ده حسب البيانات السايزمولوجية حرر طاقة بتساوي حوالي 3 2 10 أس 16 جول ولو مش فاهم قدر الطاقة ده قد أيه فخليني أقولك انه قدر خزعبلي غير قابل للاستيعاب وأكبر تقريبا من طاقة هارب بحوالي 150 الف مرة!
يعني علشان هارب يعمل زلزال زيه فهو محتاج يشتغل بكامل قدرته بدون انقطاع لفترة أكتر من 280 سنة متواصلة!
ده غير كمان إن في حاجة مهمة أوي يعرفها أي متخصص جيولوجيا أو اي حد دارس فيزياء بتنسف الموضوع ده كله من أساسه
موجات الراديو عالية التردد اللي بينتجها هارب دي واللي بيسموها موجات ال HF مبتوصلش لجوه الأرض أكتر من كام سنتيمتر فقط ومبتقدرش تمشي أكتر من كده وبتتشتت فإزاي بقى هتهز الصفائح التكتونية وتتسبب في توليد زلازل ضخمة أقل واحد فيها بؤرته بتكون على عمق 15 أو 20 كيلومتر على الأقل!
علميا ده مستحيل بكل المقاييس ومفيش أي آلية فيزيائية معروفة تقدر تخلي موجة سطحية ضعيفة تخترق طبقات صخرية سميكة وزنها تريليونات الأطنان
طب والفيديوهات اللي باين فيها الأضواء الغريبة اللي بتحصل في السماء قبل الزلازل والعواصف يا علام مش دي دليل!
لأ يا صديقي خالص
الأضواء الغريبة اللي كتير من مؤيدين النظرية دي بيتكلموا عنها دي هي عبارة عن ظاهرة طبيعية نادرة اسمها أضواء الزلازل Earthquake lights ودي بتحصل في المعتاد نتيجة لإحتكاك طبقات الأرض مع بعضها أثناء أو قبل الزلازل
الاحتكاك ده لما بيحصل الغازات الموجودة في الصخور وخصوصا الأكسجين بيحصلها عملية تآين وبتتسرب من بين طبقات الأرض والتشققات والتصدعات اللي بتحصل في القشرة الأرضية ولما بتتسرب بتطلع لفوق بسرعة في الغلاف الجوي في صورة غاز متآين وبينتج عنها طاقة كهربية مشحونة هي اللي بتسبب الأضواء السماوية الغريبة اللي بتشوفها في الفيديوهات دي!
ولحد اللحظة اللي انت بتقرأ فيها السطور دي مفيش أي دراسة علمية ربطت الضوء ده بتجارب هارب إطلاقا عشان الربط
ده مستحيل علميا
وفي النهاية عايز أقولك حاجة مهمة
دايما في أوقات الكوارث بتطلع إشاعات كتير مخيأفة بتحاول تفسر ظواهر طبيعية أقوى من البشر بتفسيرات مخيفة وخيالية ومرعبة
الناس بطبيعتها بتحب تفسر الكوارث بحاجة خارقة وبدل ما يسلموا بقدرة ربنا سبحانه وتعالى في تحريك الطبيعة اللي خلقها عشان يظهر آياته لعقول الناس بيقولوا دي أمريكا والماسونية والمسيح الدجال بيضربونا بسلاح طاقة موجه