تحكم بشرى فى الزلازل والعواصف والرياح

هل فعلا في سلاح سري بيتحكم في الطقس وهو السبب في الزلازل اللي بتحصلنا دلوقتي والعاصفة اللي ضړبت اسكندرية من يومين!
سلاح طاقة موجه قادر يولد زلازل وبراكين وأعاصير ويبوظ مناخ دول كاملة بضغطة زرار!
ملحوظة قبل ما تكمل إقرأ المقال للآخر عشان في بلوت تويست في النص عند النقطة دي
السلاح ده المفروض ان اسمه مشروع هارب HAARP وموجود في إيد أمريكا بتشغله وقت ما تحب وتوجهه ناحية المكان اللي هي عايزاه في العالم وبمجرد ما يتم توجيهه فورا المكان ده بتضربه كوارث طبيعية غريبة ومفاجئة وغير مسبوقة وكل ده بغرض السيطرة وتخويف الشعوب وفرض إرادتها على دول العالم كله!
طب هل ممكن السلاح ده يكون حقيقي فعلا ولا هو مش اكتر من مؤامرة خيالية بدأت على السوشيال ميديا وانتشرت لحد ما خدت أكبر من حجمها
حضر بقى كوباية الشاي بالنعناع ف إيدك وتعالى معايا نبدأ القصة من الأول عشان نفهم مع بعض فين الحقيقة والخيال ونكشف سر المشروع الغامض ده وبدأ منين بالظبط
شوف يا سيدي
الحكاية كلها بدأت سنة 1993 لما أمريكا قررت تبدأ العمل على مشروع إسمه هارب HAARP هدفه الرسمي هو دراسة طبقات الجو العليا بغرض تحسين أنظمة الاتصالات اللاسلكية
المشروع ده في البداية كان معمول بتمويل من القوات الجوية والقوات البحرية الأمريكية ومعاهم وكالة المشاريع البحثية العسكرية المتقدمة أو DARPA زي ما بيسموها وده بالتعاون مع جامعة ألاسكا ومعاها 13 جامعة أمريكية تانية
ولو سألتني هي تسمية هارب دي جاية منين فهقولك انها اختصار لكلمة High Frequency Active Auroral Research Program وترجمتها الحرفية هي البرنامج البحثي للشفق القطبي الفعال عالي التردد
طيب هو المشروع ده عبارة عن أيه بالظبط وبيعمل أيه وايه علاقته بينا أساسا
المشروع ده يا سيدي موقعه في شمال مدينة جاكونا في ولاية ألاسكا الأمريكية وهو بيتكون من حوالي 180 هوائي ارتفاع كل واحد فيهم حوالي 22 متر ومحطوطين على مساحة أكتر من 40 فدان ومتنظمين في شكل 15 عمود و صف
ال 180 هوائي دول بقى المفروض انهم بيطلقوا موجات كهرومغناطيسية ذات تردد عالي جدا بيوصل ما بين 2 8 لحد 10 ميجا هرتز والموجات دي بيتم توجيهها مباشرة لطبقة الأيونوسفير اللي في أعلى الغلاف الجوي الموجودة على ارتفاع ما بين 70 كيلومتر لحد 1000 كيلومتر كاملين
طب الهدف الرسمي من ده أيه!
الهدف يا صديقي هو انهم بيدرسوا تأثيرات الموجات بتاعتهم دي على طبقة الأيونوسفير وبيقارنوها بالتأثيرات الناتجة عن الانفجارات الشمسية وبياخدوا من كل ده معلومات بتستعمل في تطوير تكنولوجيا الاتصالات اللاسلكية سواء لأغراض مدنية أو عسكرية وكمان بيطوروا بيها تقنيات ال GPS عشان يوصلوا لعمل خرايط كاملة للمعادن الموجودة تحت الأرض وتحت المحيط
المشروع ده يا