واحدة جارتنا عزمتنا علي فرح بنتها

كان ناقص بس امسح الترابيزات و اقف بالمناديل قدام الحمام
كل شويه ابويا يقولي يلا نروح يا بنت الوقت اتاخر عرتيني اقول له اصبر بس يا حاج
لحد ما خلاص الحمد لله العريس و العروسه روحوا و المعازيم روحوا و عمال القاعه خلصوا و اطمنت علي كل حاجه صحيت ابويا ما هو كان نايم وبيشخر و
قولت له بكل حزم يلا نروح بقي ما هو احنا مش هنبات هنا
كانت الساعة قولي تلاته قولي اربعه مش عارفه بس كانت الدنيا هوس هوس ندور علي تاكسي مافيش ابويا كل شويه يشتم فيا منك لله كان زماني نايم علي سريري
المهم الحمد لله لقينا ميكروباص رايح جنب البيت بس من علي اول الشارع السواق كان شكله مش مظبوط مسكت في دراع ابويا جامد قالي انتي خاېفه منه اقسم بالله زمان السواق اللي مرعو ب من شكل امك ده بالالوان دي كلها ده الراجل قاعد يقرأ قرأن من ساعه ما دخلنا
طبعا كان من ورا قلبه ابويا كان فرحان بيا جدا من الداخل بس هو مش عارف يعبر عن مكنون مشاعره
المهم نزلنا من الميكروباص بعيد عن البيت وقلنا خلاص هنتمشاها وامرنا لله
واذ فاجئة نلاقي قبيلة كلاب من النوع الحميري اللي انتي تشوفيها ما تعرفيش ده كلب ولا حمار
من بتاعت فرقة ال 7 سبعات متجمعين بمسافة 200 متر قدامنا وشكلهم كده بيوضعوا خطه للضحيه اللي عليها العين وصاينها وحارسها ربنا دا اللي هو احنا يعني
ابويا ماشي جمبي زي غرقان في عرقه و قاعد يدعي علي مين مش عارفه هو كان بيقول منك لله اشوف فيكي يوم يا بعيده و مسك قلبه ذي مايكون عنده ڈب حه او علي مشارف جلطه
انا ماشيه جانبه ذي الجذمه ركبي بتخبط ف بعضها وامشي خطوه و ارجع تلاته واقول ياحج تعالا نلف من شارع تاني
يقولي نلف عليكي علي المستشفيات يا بنت هو فيه طريق تاني غير ده
خاېفه من الكلاب يابت دانتي خلاص كان فاضلك شويه وتبقي من فصيلتهم
لا ياحج مش خاېفه بس تعالا نلف من شارع تاني اهو ع الاقل نجيب حاجه تتاكل بصلي كده من فوق لتحت و قالي هو انتي جعانه لسه بعد ماشربتي 15 كانز و 2 علبه جاتوه و نص تورته العريس و العروسه يا بنت ال ده فيه ناس كانوا بيقول لي قعد البت لا تسق ط كانوا فاكرينك حامل
انا بصراحه بقيت
مستحقره نفسي واحده عندها ف الوقت 25 سنه وخاي فه من شوية كلاب وابويا جمبي ماشي زي الاسد الكاسر الۏحش المدمر لا يهاب شئ والله اكبر والعزة لله ولله الحمد وخلاص قربنا ع الكلاب
الجذمه بتاعي الرباط كان مفكوك قلت ربطه بحيث لو الكلاب قفشت ابويا الحق اجري ولسه بقوم وببص قدامي لقيت الحج جاي يجري عليا ويقولي اجري يابنت الكلاب هتاكلنا انا سمعت الكلاب هتاكلنا من هنا ومادرتش بنفسي الا وانا قالعه الكوتش وقلت يا فكيك
ابويا يا مؤمن اللي طول النهار رجلي ۏجعاني وظهري واجعني وعظمي مكسر سبحان الله الاقيه قدامي بيجري زي الرهوان
عايزك تتخيلي معايا واحد ف منتصف االخمسينات بيجري ووراه واحدة ف العشرينات عشان خايفين من الكلاب دي كانت ولا حلقه من حلقات ابراهيم نصر ياجدع
والحمد لله ف اليوم دا ابويا وصل البيت قبل مني بربع ساعه معرفش وصل ازاي مش عارفه هو دخل الحمام غير هدومه كلها مش عارفه ليه
اصل انا كمان حسيت بميه دافيه علي رجلي
بس باحمد ربنا والا الكلاب كانت هتاكلنا
وبحب اوجه الشكر هنا لكل اللي كان نايم وماشفش الڤضيحه اللي كانت حاصله بشكر ابويا علي كل الټضحية اللي ضحاها عشاني
مامي_فرفوشة