بنات سلفتى

انك هتاخدي الراجل من على مراته انتي ايه يابت معندكيش ډم وبعدين تعالي هنا انتي مين اللي جه وطلب ايدك وكمان اتكلم مع مين لما امك وابوكي كمان عرفو باللي انتي عملتيه
رشا
انا ياحبيبتي مش صغيرة عشان اجي اخد رايك ولا اخد رأي امك وابوكي انا كبيرة وحرت نفسي اما بقا بالنسبة لمين اللي خطبني دي حاجة متخصكيش يا رحاب
رحاب
اخس عليكي ياشيخة والله حرام عليكي اللي انتي عايزة تعمليه ده بجد عيب اوي يعني دي بتتهمني اني انا مرتبة معاكي شوفتي طلعتيني قدامها حربايه
رشا
بقولك ايه يا رحاب انا مليش دعوة بالكلام ده ياختي انا هتجوز محمود يعني هتجوزة وانتي ملكيش دعوة وخليكي في حالك احسن لك ولا انتي بقا مش عايزاني ابقي سلفتك لا وايه عايزة انتي لوحده اللي تبقى في عصمة راجل وانا لا انا مش فاهمة انتي اختك عندك اهم ولا سلفتك اهم
رحاب.
لا سلفتي يا رشا اهم عشان سلفتي دي اللي انا عايشه معاها بقالي كتير وانا هي بقينا زي الأخوات وأكتر كمان انما انتي مش عارفه ليه تبصي لجوزها هي بالزات من قله الرجاله
رشا
ااه من قله الرجاله انا الصراحة من زمان وانا عيني على محمود ده ومش هسيبة واعلى ما في خيلك اركبية يا رحاب
اخدت بعضي ورجعت البيت وقابلت محمود وقولت له
انت صحيح هتتجوز اختي يا محمود انا مكنتش اعرف ان مامتك حاطه عنيها على رشا والله يا محمود وفهم سهام اني مليش ذنب أصلها فاكرة اني انا اللي خطبتها لك ارجوك يا محمود تفهمها
محمود
بقولك ايه يا رحاب انا هتجوز رشا وهاتيجي تعيش هنا معانا عن اذنك
ومشي محمود وسهام استحملت الزل من حماتها بسبب انها ملهاش حد ابدا وحماتي قالت لمحمود
انت تطلقها بقا يامحمود
محمود
لا يا امي مش هينفع اطلق سهام عشان بحبها وانا لما انتي طلبتي مني اتجوز شرط عليكي انها تفضل على زمتي حصل ولا لا
الام
خلاص يبقا رشا تيجي تقعد في الشقه فوق عندك وسهام تفضل معايا هنا تخدمني في شقتي واياك تقول لا انت فاهم ولا لا
محمود
ماشي يا أمي اللي تشوفيه خلاص انا هخلي سهام تنزلك تحت تعيش معاكي وانتي وهي اتصرفو مع بعض انا رايح شغلي
وقبل ما يمشي قال لسهام على اللي حصل من أمه وقالت له
والله حرام عليك يا محمود بس انا مضطرة استحمل كل حاجة عشان مليش حد وامك مفترية وربنا على الظالم ومنها لله رحاب هي واختها ربنا ياخدهم يارب
وعدت الايام وسهام بقت خدامة عند حماتي ورشا جات البيت بعد محمود ما اتجوزها وعاشت في الشقه فوق ومبقتش تكلمني خالص وانا قولت لها
بقا كده يا سهام انتي هتفضلي مخصماني كده لحد امتى بس انتي عارفاني انا بحبك اوي ازاى
سهام
بقولك ايه بطلي كلامك ده انا عارفاكي انتي اصلا مش سهلة وبني ادمة ژبالة وواطية
رحاب
اخس عليكي يا سهام بقا انا كده برضو حرام عليكي والله وبلاش كلامك اللي بيوجعني ده انا مليش ذنب قولت لك
سهام
ابعدي عني يا رحاب ومنك لله انتي واختك وحماتي معاكي كلكم ربنا هينتقم منكم ان شاء الله قريب
وفضلت الايام تفوت وسهام ولدت البنتين وفي يوم عمر ابني كان في البلكونة ووقع منها ولقيت جارتي في الشارع بقت تصوت وتقول
الحقي يا ام عمر ابنك وقع من البلكونه
جريت لقيت ابني راح فضلت اصوت والطم وقفلت على نفسي ومكنتش بكلم حد وحماتي قالت لي
ماخلاص بقا يابت الله يرحمة ياحبيبي يابني ده قطع بيت