اوضه لوحدى

ذنب وعارفه ان انتي مش هتعرفي تتصرفي الفلوس وعليك ديون كثيره
الام
ربنا هيحلها يا بنتي لو سمحت ما تبعتيش فلوس تاني انتي سامعه ولا لا وبعدها قفلت السكه
معايا وكانت عامله ټعيط
وفي الوقت ده عم جمال خبط علي الباب
اللي كنا شارين ليه حاجات بالقسط
الام
ازيك يا عم جمال اتفضل ادخل
جمال
مش عايز ادخل فين القسط اللي عليكي انا صابر عليك بقالي شهرين
الام
الكلام الغريب اللي انت بتقوله ده انا كل شهر ببعتلك القسط مع ابني يحيى ازاي يعني ما بيجيبشلك الفلوس
جمال
والله العظيم انا ما بشوف ابنك يحيى بقالي كام شهر ولو مش مصدقه الكمبيالات معايا تعالي شوفي اخر كمبياله بنتك اللي جايه عندي ودفعاها
الام
خبر ابيض يا يحيى ازاي تعمل في امك كده بس طب حقك عليا يا حاج والله العظيم اوعدك هتصرفلك في الفلوس في اسرع وقت
جمال
بقول لك ايه قدامك بالظبط 15 يوم لو الفلوس مجتش عندي انا هروح واقدم الكمبيالات انا صبرت عليكي كثير وبعدها مشي وخرجت
سحر
سحر
في ايه يا ماما الراجل ده كان عمال يزعق معاكي ليه كده
الام
خشي صحيني اخوك يحيى دلوقتي خليه يخرج ده انا هسود عيشته النهارده هو الولد عايز يحبسني ولا ايه وبعدها خرج يحيي وقال
يحيي
هو في ايه الصداع ده اللي على الصبح ده انتم عاملين دوشه ليه خشي يا بنت انتي حضري لي فطار وفي الوقت ده ماما مسكته من هدومه
وقالت
الام
وليك نفسي تطفح يا شيخ هو انت مش بتاخد مني ولا الفلوس كل شهر على اساس انك هتروح تسد القسط
يحيي
اوعي بس ايدك كده من عليا بقولك ايه انا بخلي الفلوس معايا لحد ما الاقي شغل
هو انا هتصرف ازاي يعني ولا هجيبلكم فلوس منين
الام
بقى انا بدل ما اعتمد عليك بتعمل فيا كده حرام عليك ارحمني
يحيي
ارحمك من ايه وحد كان قالك روحي اتجهزي بنتك الجهاز اللي انتي جهزتيه ده
كل برغوت يا حبيبتي على قد دمه وكنت عيشي على قد عيشتنا وخلاص
الام
ارجوك يا يحيى انت راجل دلوقتي وانا لازم اعتمد عليك انزل يا حبيبي تصرفلي في اي فلوس وهاتها
يحيي
وانزل ليه وبنتك دي موجوده والخير في ايديها كثير اهو ما اجيب الذهب ده نبيعه عشان ندفع القسط وامك ما تتسجنش هو انتو كل حاجه جايين عليا انا بس
سحر
شيل ايدك كده من على الذهب واقول لخطيبي ايه ان شاء الله بعت الذهب عشان خاطر اخويا مش قادر يعتمد على نفسه
يحيي
شكلك عايزه تتربي من اول وجديد ي بت انتي
وانا اللي هربيكي وبعدها فضل يضرب فيها
وفي الوقت ده كنت في شقتي بحضر شنطه هدومي ودخل عماد
عماد
هو انت بتعملي ايه بشنطه الهدوم دي
سمر
اوعى ايدك كده من عليا يا عماد بجد انت ما تعرفش عملت فيا ايه النهارده ماما زعلانه مني جدا ومش عايزه تكلمني ثاني حرام عليك
هو انت