وحده صاحبتي لشهيرة عبد الحميد كاملة

کاړثة كبيرة.
نزلت رجعت لشقة مروة وخبطت تاني على جوزها المرادي لقيته فتحلي الباب ولابس كأنه كان نازل.
لما شافني ملامحه اتغيرت كأنه زهق مني وقال
_خير يا آنسة شهيرة مروة بعتاكي تاخدي هدومها ولا تتناقشي معايا وتقنعيني بالطلاق
حاولت اكون هادية وقولتله يا استاذ هاني أنا مش لاقية مروة أصلا.. أنا لسه جاية من عند أختها وطردتني وانا مش فاهمة في إيه بالظبط.
لقيته برقلي بشكل مرعب.. أنا حقيقي خۏفت منه وقتها ومسكني من دراعي بقوة وبيقولي يعني ايه مش عند أختها يعني بقالها أسبوع قاعدة عنده وبتستغفلني.
مع مسكته ليا من دراعي انا رجلي خدت خطوتين جوا الشقة ڠصب عني وبدل ما كنت واقفة على الباب لقيت نفسي جوا وهو مازال بيشدني من دراعي وبيتعصب عليا كأني أنا الراجل ال مراته بټخونه معاه.
كان في حالة غريبة وصعب اشرحها وانا بفلفص منه ويحاول اسحب دراعي وبقوله يا استاذ هاني سيب دراعي ميصحش كده.. لو سمحت أبعد.
لكن كأنه مش سامعني وعمال يبرطم من كلام زي بردو اختارته.. بعد كل ده راحتله.. پتخوني وهي على ذمتي .. الخ.
وسط المشادة ال بينا دي أنا شميت ريحة بشعة في الشقة هبت عليا فجأة.. كأن في كلب مېت عندهم.. مقدرتش أمنع نفسي وبدأت اركز مع اتجاه الريحة جاية منين.. كانت جاية من طرقة الغرف.
لقيت نفسي وسط الكلام بقوله ايه الريحة دي.. في حاجة معفنة ريحتها جاية من هنا..
وفجأة محستش بنفسي
ضړبة قوية نزلت على دماغي وفقدت الوعي لمدة معرفهاش.. فوقت لقيت نفسي على السلم وست كبيرة بترمي في وشي ماية بتفوقني.
صحيت لقيت نفسي قدام شقة مروة مبعدتش.. سندت نفسي ونزلت من العمارة مش فاهمة حاجة ولا فاكرة ال حصل..
مسكت تليفوني لقيت نورهان بتتصل وبتقولي شهيرة الحمد لله انك رديتي.. أنا خۏفت عليكي أوي تعليلي بسرعة.
دماغي كانت تعباني ومش قادرة أعمل أي مشاوير والساعة كمان داخلة على تسعة بليل يعني مينفعش أتأخر اكتر من كده اعتذرتلها وقولتلها معلش يا نورهان أنا تعبانة اوي دلوقتي.. هروح ارتاح واكلمك بكرا اقولك عملت إيه لأني مش فاكرة حاجة دلوقتي.
رجعت البيت لقيت نورهان عندي في الصالة!!
_ايه ده انتي جيتي امته
_في حاجة ضروري لازم اقولهالك مقدرتش استنا ل بكرا.
وش نورهان كان مخطۏف تباين عليها التوتر والخۏف بشكل كبير استأذنت من ماما تسيبنا لوحدنا وقعدت سألتها مالك.
لقيتها بتطلع تليفونها وبتقولي أنا لما اتصلت عليكي وانتي على السلم ورميتي التليفون في الشنطة أنا مقفلتش السكة.. وفضلت معاكي لما روحتي عند منة وسمعتها وهي بتزعق معاكي.. وكملت المكالمة لحد ما روحتي تاني لهاني.. وسمعته.. سمعت كل حاجة يا شهيرة.
أنا ذهلت..
نورهان سمعت إيه بالظبط
يمكن قصدها على الكلام الباطل ال قاله هاني على مروة
سألتها وقلبي بيرجف سمعتي ايه مش فاهمة.
شغلت تليفونها
وقالتلي اسمعي كده المكالمة دي.. أنا كنت عاملة تسجيل المكالمة علشان لو فاتتني حاجة وانشغلت عنك.
وفتحت تسجيل صوتي خلى ظهر فيه صوتي وأنا بشد مع هاني وبقوله سيب دراعي لو سمحت.. وفجأة سمعت صوتي وأنا پصرخ وسكوت دام حوالي دقيقتين كده.. بعدين هاني تقريبا عمل مكالمة هاتفية وقال بالنص
ايه يا منة.. أنا عملت کاړثة تاني شهيرة كانت هنا وشمت ريحة مروة.. معرفتش اعمل اي حاجه غير أني ضړبتها على دماغي جامد ووقعت من طولها.. أنا مش عارف اعمل ايه.. انا مش كل يوم هقتل واحدة أنا اعصابي متدمرة أصلا من مروة في البيت.. يعني اعمل إيه دلوقتي.. ما أنا لو روحت في داهية مش هروح لوحدي وهقول انك انتي ال جبتيلي تسجيل من عشيقها بيقول أن مروة لسه معاه وبتكلمه.. أنا حاولت أعملها مليون لعبة وفخ يمكن ټموت لوحدها لكن لما ملقتش فايدة خنقتها وانتي شجعتيني على ده وكنتي بتديني افكار ازاي اتخلص منها.. منة أنا مش هقتل حد تاني وهرمي شهيرة برا البيت وهسافر كأني ماكنتش موجود وكل دي اوهام حصلتلها وخلاص.. وهبعت رسالة من تليفون مروة دلوقتي اقولها أنا مسافرة مع جوزي يومين.. بس لو حصل أي حاجة غير ترتيبي أنا مش هسكت وهقول انك شريكتي ومتنسيش أنك في الخطوبة كنتي بتحاولي تلفي عليا لانك بتحبيني وانا حافظت على سرك ومقولتش لأختك لولا أنها طلعت من نسل ابليس زيك.
انتهى التسجيل وانا دموعي بتجري على وشي بدون إرادة مني.. معقول أخت تعمل في أختها كده
إزاي قدرت تحط خطط لهاني علشان يخرجهم من الشبهات.. ازاي اتحملت تعرف أن اختها مېتة ومتحملة تسكت وتغتاب في سيرتها كمان!
كل دي كانت لعبة حقېرة من واحدة عديمة الدين والتربية وراجل بلا عقل وقلب مشي وراها وصدقها لعبوا لعبة حقېرة هو يقول مراتي ڠضبانة من اسبوع والتانية تقول مجتش عندي علشان قدام الناس مروة تكون الشيطان الوحيد في الصورة.
لو هنقول أن الخۏف كله من أزواج اليومين دول والكوارث ال بنشوفها زي ال بيرمي مراته من البلكونة وال بيصورها تحت الټهديد وخلافه..
هنقول كمان أن الخۏف بقا أكتر من ال من دمك وال شايفينك في خير وفاكرين انك خدت نصيبهم في الدنيا بدلا عنهم.
ربنا يكفينا شړ النفوس الخبيثة ويسترها علينا في زمن مرعب مبقاش فيه أمان لقريب أو غريب.
شهيرة_عبدالحميد
لو وصلت لحد هنا متنساش تسيب تفاعل علشان المنشور يوصل لأكبر عدد ممكن وتتابعني لو أول مرة تشوف صفحتي وتشوف باقي منشورات الصفحة..
دمتم في سلام