شرط زواجي

السلام عليكم
انا كنت خاطب لمدة سنة وفركشت امبارح
انا شخص بحاول اكون ملتزم الحمدلله الحمدلله ربنا كرمنى و كنت التانى على الدفعة هندسة
اتقدمت لواحدة شخصية جميلة جدا وعلى الاتزام برضوا وعلى فطرتها وكنا بنحب بعض وكنا على وفاق
اتقدمت وانا فى اواخر الجيش ابوها طلب 100 جرام زى اختها و جرام كان رقم كبير احنا وافقنا لاننا شارين البنت
حاولنا حتى نخليها 80 ونكتب 100 فى القايمة رفض تماما
ومارضيوش يعملوا خطوبة قال احنا مش بنعمل خطوبة
واهم شرط ان يكون فى فرح للاشهار قلت تمام مش مشكلة
بعد الجيش قعدت 6 شهور مكنتش لسة اتوفقت فى اى شغل وهى كانت صابرة و كانت واقفة جنبى وكان شعور جميل جدا
الحمدلله اتوفقت و اشتغلت فى مكان كويس فى القاهرة واحنا مش من القاهرة ف ابوها شرط اننا نعيش جنب عمها ساكن فى القاهرة
والشرط ده كان اساسى
اهلى بصراحة كانوا رافضين تماما لان المكان بعيد عن الشغل ساعة ونص والحتة شعبية اوى وزحمة والايجار فى نفس البرج 6 الاف
وانا كنت رافض شوية فى الاول ولكن قلت انها صبرت فعادى انى اضحى وانه نوع من رد الجميل وانها ابيض اوى ف ممكن تحتاجهم فى الغربة
بعد كدا ابوها شرط عليا انى اسيب مفتاح الشقة لعمها انا رفضت فى الاول وطنشت
بعدها كلمنى وقال لية ما سبتش المفتاح قولتله انا مش حابب كدا
قالى ليه ده اهلك ولازم تستأمنهم وكل الكلام ده
انا برضوا قلت فى سرى مش مشكلة اديتلهم المفتاح وقلت فى سرى بعد الجواز اغير الكالون سهلة
وعمها تالت مرة اتكلم معاه ااسلوبه كان وحش ومع ذلك انا قلت مش مشكلة وكنت عمال اقول فى سرى هو ده اللى انا اصلا مضحى عشان اسكن جنبه !
وانا كنت مبلغهم اننا نحافظ على اسرار البيوت لان الطلوع والنزول كتير عندهم ممكن يكون ده سبب فى خړاب البيوت قالى لا اززاى ما تقلقش والخ
العفش شرط عليا انه يكون نضيف و خشب زان ولازم يكون كويس انا قلت تمام
بعدها عرفت ان المطبخ عليهم هما هيجيبوه مستعمل له 8 سنين تقريبا
انا قلت مش مشكلة لو مكسور او اى حاجة انا مبسوط و راضى
قبل ما اشترى العفش اتصل قبلها بيوم وأكد عليا انه لازم يكون نضيف يا خلاص
انا اتضايقت انه بيتشرط كتير اوى ف قولتله اخبار المطبخ ايه
قالى مستعمل كذا كذا قولتله انا بفكر اجيب مستعمل ايه رأيك قالى لا ماينفعش انت ما تتشرطش عليا واتعصب
قولتله انا هعمل بالمثل مش اكتر انا مكنتش هجيب مستعمل بس كنت عايز اوضح اسلوبه رخم
روحت جبت العفش من دمياط و الحمدلله ربنا كرمنى بحاجات كويسة
وتانى يوم اتصلت بيه اصالحه وان الموضوع مش مستاهل حاجة وان اهم حاجة ربنا يهدى سرنا
بعدها اتشرط عليا على المراتب السرير وانه لازم يكون نوع معين
وانا برضوا قلت مش مشكلة
قالى الشقة اللى انت فيها هتغيرها وهتسكن فى شقة تانى فى نفس البرج تبع الراجل وفى حد مستأجرها
بس احنا لسة مش عارفين المستأجر هيطلع امتى بالظبط قالى هتحجز القاعة يوم 22
قولتله لو الراجل ماطلعش قبلها قالى ايه المشكلة العربون راح