قصة حقيقية تقول فتاة انخطبت لشب بألمانيا

قصة_حقيقية
تقول فتاة
انخطبت لشب بألمانيا الحمد لله اخلاقو كويسة ومتعلم ومن عيلة محترمة ضليت نتواصل انا وإياه عبر النت فترة منيح
الحقيقة حبيتو لانو ظريف ودمو خفيف
صرنا نمشي بأوراق الزواج لانو بدو يعملي لم شمل وانا شارطو انا بطلع نظامي وبالطيارة وهو وافق على هل الاساس
بعد فترة صار يقول انو الاوراق عم تتعسر معو ولم الشمل راح يطول بيجوز سنتين وهو حابب اجي لعندو بسرعة واقترح علي اطلع عن طريق البحر
بالبداية رفضت كتير وخصوصا انا بخاف من البحر وما بعرف اسبح
بس هو كان يلح رغم خۏفي الشديد و وصار يقلي انو الرحلة مأمنة وكتير ناس طلعت وخلال اسبوع بتكوني عندي احسن وماننطر سنتين
المهم اقتنعت بالاخير وخصوصا انو رفيقتي طالعة معي بنفس الرحلة لعند خطيبها
حضرت حالي ورحت على لبنان انا ورفيقتي وبعد ماطلعنا بالقارب اتفاجات بالعدد الهائل الموجود فيه بس هون ماكان فيه مجال للرجعة
نحن قاعدين فيه شب سمعتو عم يحكي لواحد انو امو ماټت وابوه سافر من زمان وما عاد سمعو شي عنو وصار يضحك و يقول لرفيقو أمانة اقريلي الفاتحة لانو ماعندي حدا يتذكرني
مشي فينا القارب وبعد حوالي كم ساعة أمسكت برفيقتي مظبوط لانو مابعرف اسبح وخلال دقايق كنا بالمي
فتحت عيوني حاولت دور على رفيقتي بس ماشفتها جنبي التفتت لقيت الشب يلي كان بالمركب عم يجرني
سألتو وينها رفيقتي ..وينها رفيقتي
قال والله مابعرف انشالله بيلاقوها
بذكر كان الموج وكل مرة يفلت البيدون وبالاخر صار يقلي امسكي مظبوط الشغلة ما فيها
مزح
المهم ضلينا كتير وما حدا اجا ينقذنا حتى ضو ماعاد شفنا
وكل ما شاف خشبة او شي عايم يركض يجيبها ويربطها وصار يقلي ديري بالك وخلي عقلك معك ومااتفكري بشي منشان مايفصل عقلك وصار يسألني ويحكي معي منشان يضل عقلي معي
انا
هون اتعبت ماشفت الإشال من جيبو بون بون وقلي كليها انا ما بحبها
حاولت آكل شوي وأعطيه شوي بس هو رفض