يقول صاحب الرساله انفصلت عن مراتي

تخرج الجامعه و عرفت في اللحظه دي ان ابني درس الهندسه قسم ميكانيكا !
الحفل كان بعد مكالمه ابني بيومين ! يعني بالنسبه له انا اهديت عربيته لبنت مراتي و ما حضرتش حفل تخرجه في نفس الاسبوع !
طليقتي انهت المكالمه بانها تفضل اني ما اكلمش الولد تاني ! و انا وقتها حسيت احساس سئ جدا . انا فعلا اب سئ زي ما هو قال ! انا اتسحلت في حياتي لدرجه اني ما عرفتش ابني درس ايه !
درس الحاجه اللي هتخليه يشتغل معايا زي ما وعدته و نسيت !
حاولت اكلمه و اتواصل معاه اكتشفت انه عمل لي بلوك من كل حته ! مراتي قررت تتواصل معاه و تعتذر له و تبلغه ان بنتها رجعت العربيه و انها من حقه . اعتذر لها و قال اه ما بقاش عايزها و انها كانت وعد مني و انه لما اتضايق ما اتضايقش عشان بنتها اتضايق اني ما وفيتش بوعدي .
و انه بيحترمها و بيحبها هي و بنتها بس هو بعد المكالمه دي هيعمل لها بلوك لانه مش عايز اي تواصل معايا !
كنت بسمع المكالمه لان مراتي كانت بتكلمه قدامي و انا مستنيها تخلص عشان اخد السماعه اكلمه . وقتها هو اعتذر لها مره تانيه و انهي المكالمه !
و عمل لها بلوك !
الموقف ده مر عليه سنتين ما بطلتش احاول اتواصل معاه . اخر مره كان عن طريق طليقتي وقتها هو رفع البلوك و بعت لي رساله بيقولي فيها اني نسيت ان عندي ابن و هو بس بيعاملني بنفس المعامله و نسي ان ليه اب !
و عمل بلوك تاني !
بقيت ادور علي اخباره عن طريق معارفنا و العيله و عرفت انه اشتغل في شركه عربيات كبيره و انه جزء من فريق مهمته تحسين كفاءه مواتير العربيات.
و عرفت انه خطب و هيتجوز !
بعت ل طليقتي اترجاها تطلب منه انه يعزمني علي الفرح و اني معترف اني غلطت و اهملته . بس فعلا انا ما استبدلتوش زي ما هو قال انا بحبه .
بعدها باسبوع استلمت طرد . مافيش عليه اسم او عنوان بس عرفت انه منه لما فتحت الطرد لقيت مجسم الامبالا الحمراء و صوره ليا انا هو مبتسمين قدامها و هو شايل لي صندوق العده ... الصوره دي كان عنده 7 سنين و بيضحك ببراءه و سنته مخلوعه !
و شريط فيديو صغير !
عارف دي الكاميرا اللي اشتريتها عشان اسجل ملاحظاتي و انا شغال علي تصليح و تحسن المواتير .
شغلت الشريط ..
كان واقف معايا و الكاميرا ثابته بيساعدني ... كان عنده عشر سنين. كل شويه كان يروح عند الامبالا و يحسس عليها بشغف و يسألني هل لو بقيت
شاطر هتديني العربيه دي !
فا رفعت راسي و ضحكت و قلت له هتكون هديه تخرجك من الجامعه لو اتفوقت ... و عارف كمان الورشه دي هتكون بتاعتك بس لو اتخصصت في دراسه الميكانيكا !
كان بيضحك و بيحضني و قعدنا نشرب عصير ليمون ساقع و كان بيبص علي حيطان الورشه و بيقولي انه هيعمل تغييرات كتيره !
حسيت پألم حقيقي في صدري و عيطت . عيطت لدرجه اني ما عرفتش مدي اڼهياري غير لما لقيت مراتي جايه بهلع بتسألني في ايه و انا عاجز عن اني ارد او اتنفس !
انا معترف اني نسيت ابني ! كنت رافض حتي اعترف بالجمله دي و ڠضبان لانه قالها بس هي الحقيقه ! انا نسيته في وسط دوامه مرض مراتي و رعايه بنتها اللي هي بعتبرها بنتي !
بس ده مش مبرر اني انساه !
رافض يقابلني او يتواصل معايا ! انا عارف اني غلطت بس هو مش ميديني مساحه حتي اني اعتذر !