راحت تمضي قسيمة الطلاق ومعاها ابنها اللي لسه مولود

راحت تمضي قسيمة الطلاق ومعاها ابنها اللي لسه مولود.. والملياردير ساب عشيقته وقام مصډوم!
الجزء الأول
ياسين ابني كان لسه عنده 11 يوم بالظبط لما كامليا دخلت أفخم مكتب محاماة في الدقي وهي ضماه لصدرها.
مكنتش رايحة عشان تستعطف حد ولا عشان تعمل مشهد درامي. كانت لابسة قميص أوف وايت بنطلون غامق، وبالطو كحلي مداري الشيالة اللي نايم فيها ياسين بهدوء.
ابنها.. مش ابن مراد المنشاوي.. ولا وريث عيلة المنشاوي.
ابنها هي وبس.
لأن طول ال 8 شهور اللي فاتوا، مراد كان في كل حتة إلا الحتة اللي المفروض يكون فيها.. جنبها.
كامليا ضغطت على زرار الأسانسير للدور ال 20. كانت ثابتة، رغم إن إيدها اليمين كانت بترعش رعشة خفيفة. زمان، مراد كان بياخد باله من الرعشة دي، بس مراد دلوقت مابقاش يعرف عنها حاجة.
الأسانسير فتح على ريسيبشن كله رخام وأوركيد.
كامليا المنشاوي.. عندي ميعاد الساعة 10 مع المتر حازم.
السكرتيرة بصت للبيبي بطرف عينها تمام يا فندم، اتفضلي استريحي.
كامليا قعدت وهي بتظبط ياسين. في ال 11 يوم دول، اتعلمت إنها تقدر تعيش وتواجه الدنيا بأقل مساعدة ممكنة.
اتجوزت مراد من 3 سنين في حفلة أسطورية، كان وسيم، ذكي، ومهتم بكل تفصيلة. كامليا افتكرت إن الاهتمام ده حب.. بس اكتشفت بعدين إن الاهتمام ساعات بيبقى مجرد تمثيل.
في السنة التانية، شركة الاستثمارات بتاعة مراد كبرت پجنون. وبدأ مراد يختفي وراء البديل الإيطالي، ومكالمات نص الليل، وسفريات مبتخلصش. ولما واجهته في بيتهم في الزمالك وقالتله إنها حاسة إنها بتفقده، رد عليها وهو باصص في الموبايل أسف إنك حاسة بكده.
بعدها ب 3 شهور، اكتشفت إنه على علاقة بواحدة تانية. ريهام.. مديرة تسويق، شيك، وعندها حياة مثالية على السوشيال ميديا. كامليا مصوتتش، مكسرتش أطباق، ولا بعتت رسايل عتاب. لأنها في نفس الأسبوع عرفت إنها حامل!
وبينما مراد كان بيجي متأخر وېكذب كذبات خايبة، هي كانت بتبني خطة خروجها. استشارت محامي من وراه، فتحت حساب بنكي خاص، وأجرت شقة صغيرة في المعادي.. واستنت.
مراد عرف بالحمل وهي في الشهر السابع. ليلة عادية وهي بتجيب كاس مية، هدومها اتشدت على بطنها.
اټصدم مكانه كامليا.. أنتي حامل؟ بقالك قد إيه؟
7 شهور.
وشه بقى أصفر.. بدأ يبعت ورد، يطلب يروح معاها للدكتور، يحاول ېلمس بطنها كأنه بيحاول يعوض شهور ضاعت بحركة متأخرة.
كامليا كانت واضحة مش محتاجة دور الزوج دلوقت.. محتاجة نمضي طلاق عادل، وابني يعيش في استقرار.
باب أوضة الاجتماعات اتفتح. المحامي حازم كان قاعد بهدوء، وقدامه محامي مراد اللي كان باين عليه التوتر. مراد كان قاعد في آخر التربيزة، ببدلة رمادي، وباصص في موبايله.
والصدمة.. إن جنبه كانت قاعدة ريهام وهي حاطة رجل على رجل وبكل برود.
كامليا اتجمدت نص ثانية.. مكنتش متوقعة وجودها.
مراد رفع عينه.. بص لكامليا، وبعدين بص للبيبي اللي نايم في