بدلنا الادوار

بصتلها تاني ووشها هو وشي بالظبط.
نفس العينين نفس الشفايف حتى نفس الشامة الصغيرة تحت الحاجب اليمين.
وفجأة فكرة خطېرة لمعت في دماغي.
رفعت عيني عليها وقلت بهدوء غريب هنبدل.
رفعت راسها ببطء. هنبدل إيه
قربت منها وأنا بتكلم ببطء عشان تستوعب أنا هروح مكانك وأرجعله البيت.
سكتت ثانيتين وبعدين هزت راسها پعنف إنتي اټجننتي! ده ممكن يأذيكي!
ابتسمت ابتسامة باردة أول مرة تظهر على وشي ما هو فاكر إنك ضعيفة. فاكر إنك لوحدك. فاكر إن مفيش حد شايفه.
بس هو ما يعرفش إن عندك توأم ومش أي توأم.
قامت وقفت قدامي مايا لأ الموضوع مش هزار.
وأنا مش بهزر.
قعدنا ساعتين نحط خطة.
مش خطة اڼتقام أعمى خطة قانونية نظيفة تخليه يندم إنه فكر يمد إيده.
الصبح بدري لبست هدومها.
خدت دبلة جوازها.
حطيت ميكاب خفيف يخفي فرق بسيط في درجة لون بشرتنا.
ربطت شعري بنفس طريقتها.
وهي لبست هدومي وحطت نضارة شمس كبيرة وقعدت في أوضة الضيوف.
قبل ما أمشي مسكت إيدي وقالت لو حسيتي بأي خطړ اطلعي فورا.
ابتسمت أنا مش رايحة أضربه أنا رايحة أوقعه.
دخلت شقة كريم الساعة 11 الصبح.
كان في الشغل.
البيت هادي بس الجو تقيل.
لفيت بعيني في المكان اللي أختي كانت بتتضرب فيه.
قلبي وجعني بس عقلي كان بارد.
حطيت موبايل صغير في جيبي شغال تسجيل فيديو.
حطيت واحد تاني في الصالة بين الكتب.
واتصلت بصاحبي المحامي وخليته عارف كل خطوة.
الساعة 3 العصر باب الشقة اتفتح.
دخل كريم.
إنتي فين يا مي!
طلع من الممر وشافني واقفة في المطبخ.
وقف لحظة وبصلي بطريقة غريبة. مالك شكلك متغير.
ابتسمت بنفس ابتسامة أختي يمكن عشان تعبت.
رما المفاتيح على الترابيزة. تعبتي من إيه هو إنتي بتعملي حاجة أصلا
سكت مستنية.
قرب مني. سمعتي إني بدور عليكي امبارح زي المچنون إنتي فاكرة إنك تقدري تمشي كده
وبدأ صوته يعلى.
أنا ما خفتش.
قلت بهدوء كريم أنا عايزة أطلق.
كلمة واحدة فجرته.
وشه اتشد.
عينيه بقت سودا.
إنتي إيه!
أطلق.
مد إيده بسرعة يمسك دراعي.
بس المرة دي ما لقاهاش زي كل مرة.
مسكت إيده بقوة وبصيت في عينه مباشرة لو لمستني تاني حياتك كلها هتتدمر.
اټصدم لحظة من رد الفعل.
إنتي اټجننتي
لأ أنا صحيت.
حاول يزقني دفشته بعيد.
التسجيل شغال يا كريم.
سكت فجأة.
تسجيل إيه
طلعت الموبايل من جيبي ووريته الكاميرا شغالة.
كل كلمة كل حركة كل محاولة اعتداء.
ضحك بس ضحكة مهزوزة ومين هيصدقك
قلت بهدوء النيابة.
خصوصا مع الصور القديمة والتقارير الطبية وشهادة الجيران