اختي كانت متجوزة راجل محترم

طلقني

السلام عليكم ورحمة الله وبركاته
اختي كانت متجوزة راجل محترم جدا وماشاء الله كان مقتدر ماديا
وبعد سنه من الجواز حصل خلاف بسيط بسبب حاجات عبيطة زي اللي بتحصل بين اي اتنين متجوزين وفي ساعة شيطان اختي قالتله طلقني مردش عليها قالتلو طلقني والا هنخش في محاكم ومشاكل المهم بردو مردش عليها ونام وراح تاني يوم الشغل ورجع بدري جايب معاه شنط سفر وخلي اختي تلم هدومها قالها هوديكي عند اهلك ولانه كان عصبي اختي مارضيتش تجادل معاه وافتكرت انه هيجبها عندنا يشتكيلنا منها للاسف اتصل بيا وبوالدي وهو قدام الماذون وركبه عفريت ولازم يطلق دلوقتي المهم طلق وقال لوالدي عايز مني ايه قالو هات المؤخر وبس كده كده انتا كنت متكفل بجوزاك مغرمتناش حاجه فعلا دفع المؤخر ومشي واختي دخلت في فترة اكتئاب بعدها ب5 شهور اختي جالها التهاب حاد في الزايدة وحصي في الكلي بشكل مفاجئ ولازم عمليتين ضروري وخفنا نعملهم في مستشفي حكومي وللاسف الفترة دي كنا كلنا حرفيا شبة ممعناش جنيه للتحاليل والعمليات لان كان علينا ديون ودايما مزنوقين مش عارف ليه كلمت طليق اختي حكتله مع انه مش ملزم صراحه الراجل جه واتكفل بكل حاجه من تحاليل وعملية وعلاج وادي طليقته حوالي 10 آلاف جنيه قالها خليهم معاكي وبعد ما اختي قامت بالسلامه كلنا اتواصلنا معاه بما فيهم اختي علشان يجي يرجع رافض تماما دخلنا ناس كتير ومش نافع وقالي الست اللي تهددني متقعدش معايا وصرفي عليها علشان كان في عيش وملح وحاجات حلوة وخفت يتهمل فيها واسمع ان حصلها حاجه وحاليا اختي داخله في حالة اكتئاب حتي الاكل بتاكل بالعافيه ابتدي شعرها يقع وبقت نايمة علطول مش عايزة تكلم اي حد
هل في حل من وجهة نظركم للموضوع ده خصوصا ان مفيش بينهم أطفال