بنت عندي ٤١ سنة

انا بنت عندي ٤١ لسه متجىوزتش اي السبب الله اعلم
وانا راضيه الحمد لله بس مع كل مره بيتقدملى عريس ويمشي وميرجعىش أو يقول محصلىش نصيب أو ايا كان اي يحصل يخلي الموضوع ميكملىش نفسيتي بتتعب جدا فوق ما حد يتخيل
من اسبوع جالي عريس عنده ٤٥ سنه وملامحه مقبوله بالنسبالي وشخصيتنا الي حد ما متقاربه ومشي من الرؤيه الشرعيه وانا حاسه ٩٩٪ أن هيحصل نصيب
بس للاسف بعد تلت ايام جالي الرد اللي بسمعه كل مره بس مكنتش متوقعه اسمعه المره دي كمان وبصراحه دخلت في حاله نفسىيه سيئه جدا وامتنىاع عن الأكل بقا وهكذا يعني
المهم يعني لقيت مرات اخويا دخلت عليا الأوضه ومعاها علبه دهب وفضلت تضحك معايا وتهزر ولقيتها جايبالي ده هديه
من ضمن الكلام قالتلي يا اختي هتتجوزي تاخدي اي انا مخدتش حاجه من الجواز غير الدهب بتاعي واديني جبتلك دهب اهو يبقا خدتي المميزات بس
وفضلت تقولي ع كدا انا هحسدك واحمدي ربنا ده الحياه كده زي الفل ومش عارف اي بس بصراحه هونت عليا ربنا يهون عليها
وفعلا بدأت اقتنع بكلامها وأصبح الموضوع عادي كل ده بفضل مرات اخويا
ادعو لها ربنا يرزقها الذريه الصالحه عاجلا غير اجلا يارب