أنا متجوزة بقالى 7 شهور

أنا متجوزة بقالى 7 شهور وساكنة أنا وجوزي وأمه هو بيعامل أمه وحش جدا وقاسې عليها معرفش ليه بيعملها كده كأنها مش موجودة لاحظت حاجة كمان إن بناتها الأتنين متجوزوش مكنوش قاعدين معاها ولا بيزوروها من يوم الفرح ولا حتى بيتصلوا بيها مع إننا ساكنين في نفس المدينه

هي ست طيبة معايا جدا كل يوم الصبح أصحى ألاقيها عجنت وطبخت عمري ما صحيت لقيتها صحتني أو قالت لي اعملي حاجة بتساعدني في شغل البيت وتضحك معايا لو خرجنا تشتري لي حاجات وتهتم بيا حتى لو نازلة السوبر ماركت تسألني لو عايزة حاجة حتى الشيبسي الشوكولاتة بتسألني عنها دايما وبتديني حاجات جديدة لو جابت حاجة عجبتني تقول لي خديها وتحلف إني آخدها مرة اديتني سلسلة ذهب قالت لي دي عزيزة عليا بس متغلاش عليكي

بس جوزي بيعاملها وحش مش فاهمة ليه كل حاجة يجيبها للبيت يقول لي انتي ست البيت وتعرفي كل حاجة فين تتحط حتى لما أقوله خلي طنط تقسم اللحمة والفراخ عشان أنا معرفش الكميات يقولي لا انتي قسىميها بطريقتك عمره ما يضحك معاها بيتكلم معاها عادي جدا كأنه بيتعامل مع حد غريب لما نخرج حتى مش بيقولها إحنا خارجين لما أقوله نقولها إننا خارجين يقولي هي مالها لما نيجي متأخر نص الليل أقوله حرام سبناها لوحدها يبصلي بصه غريبه كدا بتسكتني بس بصراحة بتضايق جدا عليها مرة كنت تعبانة كلمني وسألني عملتوا العشاء قولت له تعبانة ومعملتش حاجة قالي نفسك في إيه أجيبه قولت له أي حاجة وماسألش أمه أكلت إيه أنا اللي بعت لها الأكل حتى ماقالهاش نفسك في إيه تأكليه يقولي كل حاجة عندها تقوم تطبخ اللي هي عايزاه والله بحس بۏجع في قلبي عليها حتى ولادها التانيين بيجوا يطمنوا ويمشوا بسرعة حتى الشاي مبيقعدوش يشربوه ومراتاتهم مشوفتهمش من يوم الفرح مش فاهمة في إيه فكرت أسأل جوزي بس مترددة مرة أقول أسأله ومرة أقول مالي ومالهم بس والله الموضوع مدايقني جدا هو كويس معايا وبيهتم بيا وحنين عليا بس معاملته لأمه مش طبيعية وهي ست طيبة وعمرها مأذتني في حاجة دايما قاعدة سرحانة وتقول ياريت الزمن يرجع لورا بتكررها كتير وبتخليني نفسي أسألها بس برجع في كلامي تاني وبرجع أقول مهما تكون عملت فيهم هي امهم ليها عليهم البر مش عارفه رأيي صح ولا غلط ربنا يهديهم يارب