رجاء الجداوي في ساعه صفا

يقال إن سبب إنفصال والدي و والدتي لما خالتي تحية اشتغلت راقصة فبالنسبة لهم كان شيء فظيع فأبويا طق أمي بينا إحنا الخمسة كان عندي ساعتها 3 سنين
خالتي إلى حد كبير اعتبرت نفسها مسؤولة عن اللي حصل فتكفلت بينا بس والدتي كنت ست عظيمة لغاية لما توفت كانت تفضل تقولنا أبوكم إسألوا عليه هتحتاجوه فكنا بنشوفه علي فترات
في يوم من الأيام وأنا بعرض مسرحية الواد سيد الشغال جالي تليفون من حد معرفوش بيقولي إلحقي أبوكي تعيشي انتي
حاولت أعيط معرفتش لأن العشرة بتبني حاجات كتير أوي و البعد بيقى ل حاجات كتير أوي
المهم روحت لأختي الكبيرة قلت لها بابا تعيشي انتي و جمعت إخواتي و خدنا عربيتي و طلعنا على الاسماعيلية
واحنا راكبين العربية أختي إبتدت ټعيط قلت لها استني متعيطيش من دلوقتي لما نروح هناك أكيد هيصوتوا و هنتأثر و نعيط كلنا المهم وصلنا تحت البيت لقينا الناس نازلين من العمارة عادي و مفيش أي حاجة محدش قالنا مثلا البقية في حياتكم فاستغربنا أوي
طلعنا حبطنا على الشقة فتحت لنا مراة أبويا أهلا وسهلا ببص وراها لقيت أبويا نايم بس دي نومة واحد عايش عادي
قالتلنا خير يا ولاد لابسين أسود ليه إتأكدنا بقى ساعتها إن مفيش حاجة قلنا لها مفيش إحنا كنا بنعزي هنا جنبكم و قلنا نعدي عليكم و نشوف بابا
قعدنا معاهم وهو قابلنا و أهلا يا ولاد و مش عارف ايه واحنا قاعدين ابتدا يجيلي تلغرافات تعزية لدرجة إن أبويا سألني هو إيه الحكاية قلت له بص بصراحة بقى في حد كلمني و قالي إنك بعد الشړ مت قالي بيفولوا عليا قلت له بعد الشړ قالي طب والنبي لو مت إدفنوني جنب الحاجة قلت له لا الحاجة انت طلعت عيىها خلاص ملكش دعوة بيها بقى
المهم مسك فينا لحد الغدا و بعت جاب إخواتنا التانيين اتغدينا مع بعض أنا علاقتي حلوة باخواتي التانيين أوي وهما حنينين جدا المهم اتلمينا و فضل يقولي سامحوني وانا زعلت أمكم كتير و حقكم عليا و اتغدينا و قال هريح بس شوية بعد الغدا و راح مېت !!!
أنا ساعتها حسيت إني فقدت أب كويس جدا إن ربنا إداله الفرصة عشان يقول سامحوني يا ولاد عشان يجمعنا ببعض
عايزة أقولك إن لغاية النهاردة والله ما أعرف مين اللي إتصل بيا في التليفون..
جزء من حوار الراحلة رجاء الجداوي في برنامج ساعة صفا