الحقونى وحد يقولى اتصرف ازاي

بعد ما حماتي اټوفت انا طلبت من جوزي ان حمايا يجي يقعد عندي لان ابنه الكبير مش كويس مع باباه ورغم ان جوزي هو الاصغر بس قولت راجل كبير واشيلو في عنيه وعلشان مطولش عليكم اللي انا طلبته حصل وحمايا قعد عندي وانا كنت بعامله زي ابويا بالظبط والله كنت بعمله احسن أكل واقول انا يتيمه هو هبعوضني بابويا بس اللي حصل غير كده خالص من وقت ما قعد عندي وهو بقى يدخل في شئون البيت يعني مثلا اكون نايمه يصحيني علشان انزل الفرن اشتري العيش بالبطاقه مع انه عارف ان زوجى مش بياكل عيش العادي هو بيشري عيش بيتي من واحده فلاحه ده غير اخرج اروح ازور اخواتي يفضل يتصل بيا ويقولى تعالي انا قاعد لوحدي وكل ده كوم واللي حصل منه كوم تاني حسبي الله ونعم الوكيل خلاني قاعده ع السطح انا وولادي يوم شم النسيم لاقيته طالع بيتسحب

ومش لوحده مع زوجي ولما طلعوا انا اټخضيت ويدوب لسه هتكلم لقيت زوجي بيقولي انتي قاعده بتعملي اي فبقولوا زي ما انتي شايف اخدت الرنجه والفسيخ وقعدت ع السطح انا والعيال لانه هو مش بيحبهم ولا بيحب ريحتهم راح قالي انتي كذابه انتي طلعتي بعد مكالمه تليفون جاتلك وابويا سمعك وانتي بتتكلمي مع واحد بقيت الطم واصوت وخد تليفونى يشوفوا ويفتش فيه وانا بحلف قام باصص لابوه وقالي ابويا قال كده وهو مبيكذبش وبسأله بالله عليك ي وحياه احفادك عندك انا عملت كذا راح قالي بطلى كڈب اه انا سمعتك بتتكلمي بالتليفون مع راجل غريب طيب ازاى بقيت اقولو عيب عليك قول الحق انا اعمل كده ودعيت عليه لاني كنت بعامله احسن من اهلي منه لله قهرني وخدت عيالي بعد ما خلي زوجي يمد ايده عليه وغضبانه من يومها عند اهلي وطبعا هو لا جه ولا حتى ابوه بس ابوه كلم اخويا الكبير وقالوا بنتكم غلطتت واحنا مسامحين وطبعا كان بېكذب واللي ضايقني انه مصدق نفسه واللي مضايقني ان اخويا مردش غيبتي وزعق معايا وعاوزني ارجع بس انا قولت لاخويا ارجع بشرط أن حمايا يرجع شقته مالوش علاقه بيا تاني فاخويا اتصل بزوجي وقالوا كده راح زوجي قالوا قولها هي اللي طلبت يقعد عندنا وانا مش هقدر امشيه فانا مش عارفه اعمل اي وواقفه ع الطلاق و انا مش هرجع غير لو حمايا مشي بس زوجي مصمم ومش راضي وبيقولي انتي السبب دلوقتي اتصرف ازاي بالله عليكم وخصوصا ان اخويا مغلطنى وبيقولي الغلطه غلطتك من الاول سؤال هو بجد في خير يتقلب لشړ حسبي الله ونعم الوكيل ادعولي وعاوزه حل اعمل اي لاني خلاص بيتي هيتخرب