حلق بنتي

حلق بنتي
كنت جايبه لبنتي حلق من فتره كنت بحب شكلها فيه جداااا
جات فردة منو تاهت ودورت عليها كتير وانا بردد الدعاء المعتاد اللهم يا جامع الناس ليوم لا ريب فيه اجمع بيني وبين ضالتي
المهم اني بردو ملقتوش ونسيتو خلاص
يقوم يحصل موقف غريب بل من اغرب المواقف اللي حصلت معايا في حياتي علي الإطلاق
وهوا ان سلفتي كانت مربيه بط باعت جزء منو كام بطه وخدت لبيتها واتبقي بطتين بالظبط وكانت المفروض بردوا رايحه تبيعهم وهيا ف طريقها قالت تقترح عليا لو انا عاوزه
المهم انو مكنش ع بالي اصلا واخدت وحده وخلاص
ثم اتفاجئ وانا بنضفها إن حلق بنتي اللي ضايع في حويصلة البطة اللي انا اخدتها تحديدا
اللي ربنا أراد أنها تكون من نصيبي انا
بقيت ابص للحلق وانا بضحك بإستغراب واندهاش ومشاعر مش قادرة احددها ومفيش علي لساني غير سبحان الله العظيم
الحقيقه اني عمري ما دعيت الدعاء ده وانا جوايا ذرة شك اني مش هلاقي حاجتي اللي ضايعه مني
دايما بدعيه وانا كلي يقين اني كده كده هلاقيها
وقتها بس زاد إيماني وتصديقي بإن اليقين في الدعاء حتمية الإجابة
مهما بلغت بساطة أو عظمة الشئ اللي بتطلبوه اطلبوه وانتو موقنين بالإجابة
وما ذلك على الله بعزيز