جوزي

جوزي عمل معايا حركة امبارح عمري ما هنساها الصبح قالي لو تقدري تعالي معايا نشتري طلبات رمضان علشان أنا معرفش أشتري لوحدي قلتله عادي مفيش مشكلة روحنا السوبر ماركت وأي حاجة أمسكها يجيب منها ثلاثة أو أربعة أقول له المحلات مش هتقفل يقولي أنا بحب أشتري كل حاجة مرة واحدة المهم اشترينا كل حاجة تصدقوا كنت فرحانة قد إيه بس في قلبي كنت شايلة هم إن بابا مريض ومش بيشتغل وأخواتي مش عارفة هيصوموا إزاي وأنا هنا بشتري وجوزي بينظف الحاجة ويقسمها في أكياس كنت مستغربة ومش عارفة هو بيعمل إيه بس ما حبيتش أسأله بعد ما خلصنا راح بيا على
الجزارة اشترى لحمة وفراخ وقلتله ده خير كتير أوي مين اللي هيأكل كل ده وهو يقولي عادي الموضوع بسيط المهم لما خلصنا خدني على بيت أهلي نزل معايا الحاجة وقعد ينزل الأكياس قلتله إنت بتعمل إيه قالي دي طلبات دخليها لأهلك وخليهم يدعوا لنا ربنا يرزقنا بالذرية ويلا تعالي أنا مستنيكي برا هتصل بيكي نزلت الحاجة وعيني فيها دموع وهو مشي ماما فتحتلي الباب وقالتلي إيه كل الخير ده قلتلها من خيرك يا ماما ومحبيتش أقولها إنها من جوزي فضلت تبكي وتدعي وبابا كان فرحان وأخواتي كمان أنا دخلت وقعدت اعيط وحسيت بحاجة غريبة في قلبي رجعت اعتذرت له لأني كنت بعمل معاه مشاكل كتير وهو مهتم بيا وبأهلي