فضـايح جوزي

فضايح جوزي
جوزي كان بقاله أكتر من 6 شهور مقربش مني وبدأت اشك انه بيخوني وراقبته قعدت وراه لغاية ماعرفت افتح موبايله واټصدمت بمحادثة ليه مع مرات ابن عمه ع الواتس عمالين يحبوا ف بعض والحب مولع ف الدرة ع الآخر وقال عشان هي بتغير وبتزعل مش بيقرب مني وبردو نفس الوضع عليها وهو بيغير عليها من جوزها وآخر كوميدية بصراحة..
انا اخدت اسكريناات وقررت إني اطلق بس قبلها اضمن نفسي وعرفته وهددته اني ھفضحه والموضوع فيه قطع رقاب لان احنا صعايدة وكمان واضح من صياغ الحديث ان حصل بينهم علاقة وشرطت عليه يكتب الشقة بإسمي ويتخلي تماما عن حضانة البنت حتي لو اتجوزت ويكتب ورقة بكده ووصل أمانة ضمان عشان لو مبعتليش مبلغ للبنت كل اول شهر كلها كانت ضمانات لنفسي عشان مش هبقي طالعة خسرانه من كله كفاية انه اتحسب عليا راجل واتحسبت عليا جوازة..
طبعا هو كان عنده استعداد يعمل أي حاجة عشان ميتفضحش ووافق ع كل شروطي واطلقنا.
عرفت انه لسة ع علاقة بيها وبيتقابلوا . احيانا بييجي ف بالي انه يا تري اللي عملته صح ولا غلط. كان المفروض اقول لجوزها حاجة زي كده ولا الستر افضل. هو والله راجل طيب جدا ميستاهلش كده ومحترم وع طول وشه كان يبقي ف الأرض قدامي ميستاهلش أبدا ان العرة طليقي يعمل معاه كده .
خلاص مليش دعوة والقصة انتهت وخلصت وهما مع نفسهم ولا أقوله! انا مش بنام من تأنيب الضمير