جوزي كفيف

السلام عليكم ورحمة الله وبركاته
أنا كنت مطلقه ومعايا طفله عمرها أربع سنوات واتقدملي واحد كفيف امام مسجد ومتجوزش قبل كده هو بياخد مرتب المسجد وعنده دخل تاني المهم هو. اتقدملي واهلي أقنعوني بي لانه عنده شقه كويسه في مكان كويس باباه كان شاريها له من زمان وبعيد عن اهله
المهم اتخطبنا كام شهر مشفوتوش فيهم غير ٥ مرات وطبعا مفيش دخول ولا خروج عشان ظروفه ودايما كان لابس نضارته السوده المهم اتجوژنا بقالنا سنه أهوه والصراحه مش عارفه أقول إيه اول ما شوفته من غير نضاره اللي اخدتها انا صغيره مش كبيره مكملتش ٣٠ سنه لسه وهو عنده ٣٥ عشان كده قعدت شوية عشان أقدر أتقبل المنظر وكنت عايشه حياة صعبه آوي أول ٣ شهور رغم انه حنين وممكن يعمل كل حاجه بنفسه بس موضوع انه يقرب مني ده انا مكنتش قادره عليه خالص ولحد دلوقتي بخاف أتقرب منه او هو يقرب مني ولسه مفيش حمل ولا حاجه ولا أنا عاوزه اخلف منه أصلا مش في دماغي يعني أنا معايا بنتي وخلاص وهو حنين عليها وبيعاملها كويس ومش بيبخل عليها خالص بيعاملها زي بنته وبنتي كمان حبته ومرتبه وډخله كله بيعطيه ليا وانا بديله مصروف وبيحاول يسعدني بقدر جهده والله بس أنا مش قادره احبه ولا اتقبله كزوج وكده ولسه بخاف اقرب منه بس مش بكرهه يعني بس مش عارفه سبب الخۏف ده ايه لاني انا يعتبر حارماه بسبب الموضوع ده ومش عارفه أتخلص منه ازاي وهو بيصعب عليا علشان معاملته كويسه وطيب مش عارفه اعمل إيه
ياريت تنصحوني بدون تجريح نزل مشكلتي بدون اسم
وللعلم كمان اهله ناس كويسة جدا معايا ودايما بيسألوا عليا وبيحاولو يعملوا اي حاجه ترضيني عشان مقصرش معاه بس انا مش قادره واوقات كتير بقارن بينه وبين طليقي لاننا كنا متجوزين عن حب ٧ سنين بس النصيب واهله كانوا السبب في طلاقي